KN :: التعليم تطلق استمارة التقديم للقبول المركزي في الجامعات رابط الاستمارة الالكترونية وطريقة التقديم بالاسفل .
تحديث 16/11/2020
التعليم تعلن تمديد التقديم الى استمارة القبول المركزي
تعلن وزارة التعليم العالي والبحث العلمي تمديد السقف الزمني للتقديم الى استمارة القبول المركزي الإلكترونية الى نهاية الدوام الرسمي من يوم 2020/11/26 ليتسنى لطلبة السادس الإعدادي الذين أدوا امتحانات الدور الثاني ملء استمارة التقديم عبر بوابة الدراسات والتخطيط والمتابعة (www.dirasat-gate.org).
وفي الوقت الذي يحق لخريجي الدور الأول ممن لم يقدموا على الاستمارة تسجيل خياراتهم خلال المدة المذكورة فإن تعديل تلك الخيارات سيكون متاحا مرة واحدة أمام الممتحنين في الدورين الأول والثاني توخيا للدقة في تثبيت اختياراتهم عند التقديم.
تحديث 26/11/2020
وزير التعليم يوجه بتمديد التقديم للقبول المركزي الى 11/30
أعلنت وزارة التعليم العالي والبحث العلمي إطلاق استمارة التقديم للقبول المركزي في الجامعات العراقية للسنة الدراسية 2021/2020.
وقال المتحدث الرسمي الدكتور حيدر العبودي إن الاستمارة الالكترونية أطلقت عبر البوابة الخاصة بدائرة الدراسات والتخطيط والمتابعة (www.dirasat-gate.org) وهي جاهزة للتقديم أمام الطلبة من فروع الإحيائي والتطبيقي والأدبي سواء الناجحون من الدور الأول أم الذين سيؤدون امتحانات الدور الثاني مشيرا الى أن مدة التقديم الالكتروني للقبول المركزي ستستمر الى غاية 2020/11/17.
وأضاف أن نظام التقديم يوجب على الطلبة من خريجي الفرعين الاحيائي والتطبيقي ملء 50 اختيارا ولا يقل عدد المعاهد فيها عن عشرة ويمكن أن يملأ خريجو الفرع الادبي ما لا يقل عن 25 اختيارا ولغاية الخمسين في الاستمارة الالكترونية ولا يقل عدد المعاهد فيها عن عشرة.
🔗رابط أستمارة التقديم التقديم للقبول المركزي في الجامعات للعام الدراسي الجديد : اضغط على
وزارة التعليم: يحق للطلبة تعديل استمارة التقديم الإلكتروني للقبول المركزي مرة واحدة فقط.
طريقة التقديم على استمارة للقبول المركزي في الجامعات 2021/2020 لطلاب السادس الإعدادي بالصور...
يجب عليك جلب الرقم الامتحاني الرقم السري من مدرستك.
الحدود الدنيا للقبول المركزي للسنة الدراسية 2020/2019 :
- اضغط هنا 📥 للتحميل والمشاهدة عبر غوغل درايف.
- للتحميل عبر تليغرام اضغط هنا 📥
#ملاحظات_مهمة قبل التقديم👇👇👇*طلاب الجامعة اذا عدكم نصيحة لتقصرون بالتعليقات تفيدون بيها اخوانكم
١_ ابد ابد ابد لتقدم بسرعةالتقديم الكتروني ميعتمد على السرعة يعني اذا قدمت اول واحد حالك حال اخر واحد يعتمدون معدلك وترتيب الاستمارة فقط
٢_ استفسر عن الكلية الي تريد تداوم بيها واسأل شنو مستقبلها بعد التخرج وشنو طبيعة دراستها والخ ( وسؤالك لتخلي مرتكز بس على كم طالب انما وسع نطاق الاستفسار)
٣_ طلبة الدور الثاني اذا ممتاكدين من معدلكم او اصلا ممتحتين ولا امتحان لتقدمون هسة حتلو تاريخ انتهاء الاستمارة موعدة قبل لتستلمون نتائج (احتمال كبير تمدد علمودكم او تفتح من جديد)
٤_ لتنصاع لضغوطات الاهل او الاصدقاء وغيرهم اثناء ترتيب الاستمارة ترة تندم وبعد ميفيدك شي، تذكر تعبك هذا ل١٢ سنة اكثر فلازم تقدم عن قناعة تامة
#ملاحظات_مهمة قبل التقديم👇👇👇
🔴 نصائح مهمة قبل التقديم على استمارة القبول المركزي
يرجى من جميع الطلبة قرائتها ( جميع الفروع والادوار )
اني ببالي اقدم اهلي او مسائي
هم يحتاج اقدم هسة؟؟
الطالب يكدر يقدم
مركزي (الي انفتح هسة) ومسائي واهلي (كلهن)
فانت ليش تفوت الفرصة جرب حظك وقدم يجوز الظروف تمنعك ان تقدم بعدين مسائي او اهلي
او يجوز يعجبك القبول الي طلع الك
فتوكل بالله وقدم ومن ينفتح المسائي والاهلي
هم قدم
ثم بعدين قرر ياهي الي تناسبك اكثر كمل بيها
▪️ اول شي قبل لا تقدم تسوي بحث يكون عندك اطلاع كامل على كل المعدلات السنة السابقة يعني لازم تشوف الحدود الدنيا للسنة السابقة.
🔸 هسه تجيب ورقة وقلم وتبدي تنزل الكليات او المعاهد الي قريبة من معدلك اقل واعلى بقليل وتعزلهن على صفحة
🔴 هاي اهم خطوة الي اترجاه منكم ان تنتبهون عليه
مثلا انت من البصرة
وتريد تقدم على كلية العلوم بغداد
لازم تشوف الاقسام مال كلية العلوم مال جامعة بغداد نفس الاقسام الي موجودة بالبصرة؟ حتى خاف تسوي استضافة ونقل لمحافظتك بالسنة الوراها
يعني لازم القسم او الكلية الي اقدم عليها
بالبداية لازم اشوف موجودة بالمحافظة مالتي او لا حتى بالمرحلة الثانية من تنقل لمحافظتك راسك بارد وما تتندم
🔹انت المطلوب منك ٤٠ كلية و١٠ معاهد
طبعا من الطرق الذكية للتقديم انه تبدي من الاقسام العالية الي ما راح تقبل معدلك مثلا تخلي
فد ٢٠ كلية طب وصيدلية وهندسة حسب اذا جنت احيائي او تطبيقي بس كون عاليات ما يقبلن معدلك
وراها تبدي
تخلي الكليات القريبة من معدلك بس تبدي من الكليات الاعلى
مثلا علوم
تخلي محافظتك بالبداية وراها غير محافظات بس كون تختار المحافظات الي تريدها اهم شي وبيها اقسام نفس اقسام محافظتك كلنا علمود النقل
وراها مثلا علوم صرفة هم نفس الشي
وهيج يعني
🔹 هسه ورا ما كتبت الكليات والمعاهد بورقة ابقى فد يومين او ٣ راجع بيهن واتاكد منهن واخذ راي الي سبقوك بهيج تجربة
وبعدين يلا تقدم اهم شي لا تستعجل
🔴 ملاحظة من المحتمل هالسنة المعدلات راح تصعد من ٣ الى ٥ درجات عن العام ويجوز هالشي مو صحيح بس اغلب المختصين بالجامعات هيج توقعوا
يعني مثلا اذا جانت كلية العلوم جامعة بغداد العام ٨٤ لنفرض
هالسنة توقعها توصل من ٨٦ الى ٨٩ تقريبا
🟢 اما بالنسبة للي معدلاتهم عالية فهذولة ما يحتاجون نصيحة مباشرة يخلي الطب او الصيدلة او الاسنان مال محافظته او المحافظة الي يريدها 😅
بس اهم شي وهم ارجع اذكركم بس انتبهوا على الاقسام الموجودة بمحافظتكم وعلى الاقسام مال المحافظة الي راح تقدمون عليها ولحد يستعجل بالتقديم
🔴 وملاحظة اخيرة الحدود الدنيا مال هاي السنة محد يعرفها تعلن بعد ما ينتهي التقديم بالكامل وتطلع نتائج القبول وقتها يلا تعرف
